19.05.2023
Семей-Шүлбі, 18 мамыр 2023 ж.// Шүлбі ГЭС Шүлбі су қоймасын балықтандыру бойынша дәстүрлі экологиялық акция өткізді.
Шүлбі ГЭС Ертіс өзенінің ірі су пайдаланушыларының бірі болып табылады. Ірі өзеннің биоалуантүрлілігін сақтау жауапкершілігін мойындай отырып, гидроэлектростанция 2018 жылдан бастап балық аулау шараларын жүргізіп келеді. Осы жылдар ішінде алты жүз мыңға жуық майшабақтар шығарылды.
Азовое ауылы ауданындағы Ертіс майшабақтардың паналауына арналған ыңғайлы кірме жолдары мен биотоптары бар балықты жіберуге ең қолайлы аудан болып табылады.
Экологиялық акцияға Шүлбі ГЭС қызметкерлерінің балалары қатысты. «Біз балаларымызға табиғатты аялауды, биоәртүрлілікті толықтырудың құндылығын көрсеткіміз келеді», - деді Шүлбі ГЭС қоршаған ортаны қорғау жөніндегі инженері Татьяна Адорущенкова. - Болашақ ұрпақты да естен шығармай, олардың қоршаған орта сұлулығынан және табиғи байлығынан ләззат алатындай, су қоймасындағы балық қорлары біздің балаларымыз бен немерелерімізге де мұра болып қалатындығына көз жеткізуіміз қажет».
Балық аулау іс-шарасының маңыздылығы мен қажеттілігі туралы шағын дәрістен кейін балалар ата-аналарымен бірге тоғанға жас сазан балықтарын жіберді. Балықтың шабақтарын жібермес бұрын, балаларға тілек айту ұсынылды. Әрине, сазан алтын балық болмаса да оның сұлулығы ертегідегі балықтан кем түспейді, ал балалар болса балықтарына бірдеңе сыбырлап барып жіберіп жатты.
Жылдық сазандарды Бұқтарманың уылдықыр шашу және өсіру шаруашылығында өсірді. Жіберу кезіндегі шабақтардың орташа салмағы 45 грамм, ұзындықтары 10-нан 20 см-ге дейін болды. Тоғанға барлығы отыз екі мың балық жіберілді. Балықты өсіру материалдарының құны 5,4 млн теңгеден астам соманы құрады.
Шабақтарды жіберу процесі әрқашан мемлекеттік комиссияның бақылауымен жүзеге асырылады. Биыл комиссия құрамына «Табиғи ресурстар және табиғатты пайдалануды реттеу басқармасы, Орман шаруашылығы және жануарлар дүниесі аумақтық инспекциясы» және Балық шаруашылығы ғылыми-өндірістік орталығының Алтай филиалының мамандары кірді.